عظمت مرے آقا نے کیا خوب یہ پائی ہے

  عارفانہ کلام حمد نعت منقبت

عظمت مِرے آقاؐ نے کیا خوب یہ پائی ہے

مسند تو چٹائی ہے،۔ قوسین رسائی ہے

تم مان لو یہ جنّت باندی ہے مدینے کی

"ہم عشق کے بندے ہیں کیوں بات بڑھائی ہے"

اب جاں پہ بن آئی ہے دیدار ہو اے آقاﷺ

دیدار ہو اے آقاﷺ اب جاں پہ بن آئی ہے

کچھ قدر نہ تھی میری اس پورے زمانے میں

آقاﷺ تِری نعتوں نے توقیر بڑھائی ہے

دیوانے کروڑوں ہیں اک نقشِ کفِ پا کے

شاہاﷺ تیرے تلوں پر قربان خدائی ہے

ہے تیرا لقب اُمّی اور غیب کا ہے عالم

قسمت کی کتابوں پر بس تیری لکھائی ہے

الفاظ سخن کو ہیں آنسو ہیں بہانے کو

سچ پوچھو کرن کتنی انمول کمائی ہے

کرن زہرہ