انہی کی یہ دعا سے ہو رہی ہے

 عارفانہ کلام حمد نعت منقبت

انہی کی یہ دعا سے ہو رہی ہے

ہوا آنکھوں میں ٹھنڈک بو رہی ہے

محمدؐ مصطفیٰﷺ کے ہی کرم سے

مِری نیکی بدل کو دھو رہی ہے

یہ کیا کم ہے مِرے ظلمت کدے میں

مدینے کی ضیا آ تو رہی ہے

انہیں کا ذکر رہتا ہے زباں پر

مِری خصلت بلا سے جو رہی ہے

نظر آ جائیں شاید خواب میں وہ

یہ حسرت آنکھ لے کر سو رہی ہے

عقیدے میں کہاں کچھ فرق آیا

انہی کی رسم دنیا ڈھو رہی ہے

مدینے میں وہی جاتا ہے اشہر

محبت آپ سے جن کو رہی ہے

سرفراز اشہر