ارضِ مقدس
حرف شرمندہ ہیں
لفظ گھائل ہیں آج
جملے بے معنی ہیں
مذمت ناکافی ہے آج
فلسطین لہو لہو ہے آج
یہ مسکن ہے انبیاء کا
یہ مقام امام الانبیاء کا
یہ معجزوں کی زمین ہے
یہ برکتوں کی امین ہے
یہاں بیت المقدس ہے
یہ ارضِ مقدس ہے
ایک قابضو،اے ظالمو
اے جابرو، اے حاسدو
ظلم کے مینار سے
منہ کے بل گر جاؤ گے
وہ وقت بہت جلد آئے گا
جب تم پچھتاؤ گے
سازشیں مسمار ہوں گی
چالیں ناکام ہوں گی
مہلت ہو جائے گی ختم
تکبر توڑ دے گا دم
کوئی سلطان آئے گا
صلاح الدین کے جیسا
کوئی امیر آئے گا
عمر فاروق کے جیسا
یہ قدرت کا قانون ہے
باطل مٹ جاتا ہے
حق دنیا پر چھا جاتا ہے
اے ارضِ مقدس
تیرے شہیدوں کی قسم
لہو کے رنگ ہیں
تیری تصویر میں
اے ارضِ مقدس
تیری حرمت کی قسم
امن ہو گا
تیری تقدیر میں
میرا ایمان ہے
سعدیہ زاہد
No comments:
Post a Comment