اے وطن اے وطن جان من جان من

 ملی نغمہ 

اے وطن اے وطن جانِ من جانِ من

من بھی تجھ پر فدا اور فدا تجھ پہ تن

جان تُو ہے مِری تُو مِری شان ہے

میرا ہر خواب تُو میرا ارمان ہے

تیری مٹی ہی تو میری پہچان ہے

میری جنت ہیں تیرے یہ کوہ و دمن

اے وطن اے وطن جانِ من جانِ من

سجدۂ شکر میں جھُک گئی یہ جبیں 

ہم کو یہ مل گئی ارضِ جنت زمیں

ہم بنائیں گے اس کو بہت ہی حسیں

یہ جہاں کا ہے اک گوشۂ عدن

اے وطن اے وطن جانِ من جانِ من

تیرے نُورِ نظر، تیرے لختِ جگر

تیری ماؤں کے اُٹھے جواں یہ پسر

تیری مٹی کی خُوشبو کا ہے یہ اثر

تیری خاطر وہ باندھے ہیں سر پر کفن

اے وطن اے وطن جانِ من جانِ من

سحر حسن