ہے پیک انسباط یہ شمعِ حرم کی لو

ماہِ نو

ہے پیک انسباط یہ شمعِ حرم کی لو

ہوتی ہے عید جب نظر آتا ہے ماہِ نو

کیا رفعت آفریں ہے تماشاۓ ماہِ نو 

خاکی ہیں ہم لگی ہے مگر آسماں سے لو

دوڑائی اس نے دل میں جو بجلی کی ایک رو

شاید کی برقِ طور کا ٹکڑا ہے ماہِ نو

منزل بہ منزل اس کی جو بڑھتی رہے کی ضو

بن جاۓ کا  کبھی مہِ کامل یہ ماہِ نو

منزل سمجھ کے ٹھہر نہ جائیں جو راہرو

ہر ہر قدم پہ آئیں مقاماتِ نو بہ نو

خوش فہمی اپنی دور ہو شاید بس از درو

گندم  کے انتظار میں بیٹھے ہیں بو کے جو

جب دل کوئی بھی فیصلہ کر لے تو عقل کو

تائید میں اسی کی دلیلیں ملیں گی سو

معیارِ زندگی کی بلندی بجا مگر

یہ کیا کہ دس ابھرتے ہیں جب ڈوبتے ہیں سو

دیکھو کسی میں عیب اگر چار پانچ چھ

پاؤ گے خوبیاں بھی وہیں سات آٹھ نو

آزاد وہ جو اپنے ارادے سے چل سکے

بادہ بہا چلے جسے آزادیوں کی رو

کرتا ہے ہر قدم اسے منزل سے دور تر

 اے واۓ وہ جو راہِ غلط پر ہے تیز رو

سرگرمیوں پہ اہلِ جہنم کی ریجھ کر

ڈر ہے کہیں بہشت کو رکھ دیں نہ ہم گرو

ایں آزمائشے پئے انعامِ دیگر است

بر نعمتے کہ یافتۂ مطمئن مشو

اسد ملتانی