جب گئے ہم کبھی سرکار تِرے کُوچے میں
ہو گئے سارے گنہ گار ترے کوچے میں
مر گئے دیکھ کے دو چار ترے کوچے میں
لگ گیا حسن کا دربار ترے کوچے میں
جو بھی جاتا ہے وہاں دیکھنے تصویر تری
وہ ہی بن جاتا ہے دیوار ترے کوچے میں
ہم پہ الزام ہے پِیتے ہیں کسی کو مطلَب
آنکھ سے جام لگاتار ترے کوچے میں
کوئی پوچھے تو بتانا کہ بڑا ظالم ہے
تیرا شاعر ترا غمخوار ترے کوچے میں
ہاں مجھے یاد ہے بچپن کی نشانی اپنی
چھوڑ آیا تھا میں تلوار ترے کوچے میں
میں نے بس تُخم لگایا تھا مگر اب کے ندیم
دوستا بن گئے اشجار ترے کوچے میں
ندیم ملک
No comments:
Post a Comment