ڈھانپ لے گی بدن زمین مرا

 ڈھانپ لے گی بدن زمین مِرا

تم کرو گے جبھی یقین مرا

جیسے سرگرم ہے رقیب ضرور

پتہ کاٹے گا یہ لعین مرا

میں بچاؤ میں وار کرنے لگا

خوف بننے لگا یقین مرا

کر گیا خالی یہ آستین مری

دوست اک سانپ سا حسین مرا

ہو گیا ہوں کھنڈر میں میں تبدیل

جا کے لوٹا نہیں مکین مرا

بچ نکلتے ہیں لوگ عشق سے پر

یہ تجربہ تھا بدترین مرا

فلم میں اس کی زندگی کی عمیر

چند سیکنڈ کا تھا سین مرا

عمیر قریشی