تِرے خیال میں اپنا خیال رکھا ہے
کہ تیری یاد کو دل میں سنبھال رکھا ہے
اداس شب کے وہ قصے تمام ہو گئے ہیں
سو ذہن و دل سے غموں کو نکال رکھا ہے
تِرے مزاج کے مانند ہے مزاج اپنا
تِرے سوال سے پہلے سوال رکھا ہے
جو بات میں نے کہی بھی نہیں ہے تجھ سے کبھی
اسی ہی بات کو سب نے اچھال رکھا ہے
میں سوگوار سہی، یار! سوگواری میں
برائے نام ہی خود کو بحال رکھا ہے
حسین لمحے بھی کاشف کو راس آئے کب
بہار میں ہی خزاؤں سا حال رکھا ہے
کاشف لاشاری
No comments:
Post a Comment