چشمِ طلب جو زلفِ گرہ گیر تک گئی
یہ جستجو بھی خواب کی تعبیر تک گئی
تاریخ رو رہی ہے اسیرانِ وقت پر
لیکن کوئی نگاہ نہ زنجیر تک گئی
لپٹے ہوئے ضبط کے سینے سے مستقل
شہرِ حریفِ عشق میں توقیر تک گئی
غالبؔ سے استفادہ کیا میں نے عمر بھر
ہیئت مری غزل کی مگر میر تک گئی
دزداں اٹھا کے لے گئے گھر سے متاعِ جاں
کچھ بھی رہا نہ یار کی تصویر تک گئی
کاغذ پہ آنسوؤں سے سیاہی بکھر گئی
روئے ہیں ایسے ٹوٹ کے تحریر تک گئی
میں کارواں کی دھول میں گم ہو گیا اسد
میری صدا نہ گوشِ عناں گیر تک گئی
اسد اعوان
No comments:
Post a Comment