تیرے افکار جھوٹے ہیں مرے اشعار فرضی ہیں

 تیرے افکار جھوٹے ہیں مِرے اشعار فرضی ہیں

ہماری زندگی کے سبھی کِردار فرضی ہیں

مریض عشق ہے صاحب دعا کیجئے دعا کیجئے

بہت ممکن ہے بچ جائے، مگر آثار فرضی ہیں

ہماری آب بیتی تھی جسے سن کر کہا تُو نے

بہت پُر  سوز قصے ہیں مگر اے یار فرضی ہیں

کہیں پریاں نہیں رہتیں، نہ کوہِ کاف ہوتا ہے

یہ فرضی ہیں سبھی باتیں، کہانی کار فرضی ہیں

فریبی ہے مِرا چہرہ، میری باتیں فریبی ہیں

مِرے اسلوب جھوٹے ہیں، مِرے پندار فرضی ہیں

نذر ہے نام عاجز کا، تخلص ناز کرتا ہوں

فقیری اصل ہے میری، چُغا دستار فرضی ہیں

نذر حسین ناز