کبھی انتظار لمحہ سرِ شام رکھ دیا ہے
کبھی دل اٹھا کے ہم نے، تِرے نام رکھ دیا ہے
کبھی جسم و جاں جلا کے تِری رہگزر سجا دی
کبھی دل چراغ جیسا لبِ بام رکھ دیا ہے
تِرے رُخ کی چاندنی کا کبھی نام صبح رکھا
تِری چشمِ سُرمگیں کا، کبھی شام رکھ دیا ہے
مِرے شعر شعر میں ہیں تِرے خد و خال روشن
تِرا نقش نقش ہم نے سرِ عام رکھ دیا ہے
تجھے سانس سانس بُننا، یہی مشغلہ ہے دل کا
یہی بندگی چُنی ہے، یہی کام رکھ دیا ہے
نسرین سید
No comments:
Post a Comment