خدا کرے کہ تماشا بنے کہانی کا
دماغ آئے ٹھکانے مِری جوانی کا
ابھی سنا نہ مجھے اگلی رات کی وحشت
ابھی تو بار اٹھانا ہے رائیگانی کا
دہن کےکانٹوں نےچپ چاپ پی لیا اس کو
چھِلا ہوا تھا گَلہ خود بھی نيلے پانی کا
اڑائے خاک مجھے بے ردا کرے کوئی
کہ سر بريدہ نظر آیا میرے جانی کا
تُو رزقِ عشق کی تقسیم ٹھیک ٹھیک سے کر
مجھے پتہ ہے تِری ساری بے ایمانی کا
عقیقِ زرد نے مجھ کو بھی زرد کر ڈالا
سو اب نشاں بھی نہیں ہے تیری نشانی کا
ردا زینب شاہ
No comments:
Post a Comment