تھی کہاں شمع کہ پروانہ بھی آتا کوئی

 تھی کہاں شمع کہ پروانہ بھی آتا کوئی

شہرِ ظلمات میں جگنو بھی نہ چمکا کوئی

چوٹ لگتی ہے تو لگتی ہے اسی گھاؤ پر

ہائے اس بات کو اب تک نہیں سمجھا کوئی

بارش اتنی تو نہیں تھی کہ ڈبو ہی دیتی

میرے اندر سے اُمڈ آیا تھا دریا کوئی

کوئی تنہا ہے پہ یادوں میں گھِرا پھرتا ہے

اور بیٹھا ہے سرِ بزم اکیلا کوئی

آئینہ یوں بھی مجھے دوست نما لگتا ہے

مجھ کو اُس پار نظر آتا ہے مجھ سا کوئی

یعقوب آسی