اک اک روش چمن کی نکھاری ہے دوستو
اس طرح ہم نے عمر گزاری ہے دوستو
اک جنبشِ قدم کوئی منزل نہ کارواں
گویا سکوت مرگ کا طاری ہے دوستو
دن تو کسی کے غم میں بہر طور کٹ گیا
اہلِ جنوں پہ رات یہ بھاری ہے دوستو
دل ہے متاعِ زیست خلش ہے متاعِ دل
بس اک یہ کائنات ہماری ہے دوستو
کانٹے قبول کر لیے پھولوں کے نام پر
بازی یہ ہم نے جیت کے ہاری ہے دوستو
بوجھل فضا، فسردہ چمن، شاخ بے ثمر
یہ اہتمامِ فصلِ بہاری ہے دوستو
اسرار زیدی
No comments:
Post a Comment