اک سحر سرِ دوش ہے اترایا ہوا سا
آنچل تِرا اُڑتا ہوا، لہرایا ہوا سا
یہ روشنی کس کی ہے پھر اے گل اندام
جب چاند تِرے آگے ہے گہنایا ہوا سا
کافی ہے ڈبونے کیلئے مجھ کو شبِ قُرب
ظالم تِرے چہرے پہ عرق آیا ہوا سا
اٹھتا ہے بگُولا، کبھی چڑھ جاتی ہے آندھی
صحرا مِری وحشت سے ہے گھبرایا ہوا سا
ظاہر ہے تِری مشقِ حیا، حسنِ ادا سے
یعنی یہ تماشا تو ہے دِکھلایا ہوا سا
ہوں منتظر حادثۂ چاکِ گریباں
آغازِ رہِ شوق میں پچھتایا ہوا سا
سعید منتظر
No comments:
Post a Comment