میں خالی ہاتھ جو اظہار کرنا جانتا تھا

 میں خالی ہاتھ جو اظہار کرنا جانتا تھا

تُو پھول لے کے وہ انکار کرنا جانتا تھا

وہ ناؤ سے جو اگر چھیڑتا تھا دریا کو

تُو تیر کر بھی اسے پار کرنا جانتا تھا

جو شخص آیا تھا دیوار کُود کر دل میں

ڈرا ہوا تھا، مگر پیار کرنا جانتا تھا

یونہی فسُردہ نہ تھا خشک پیڑ کٹنے پر

اک آدھ شاخ ثمردار کرنا جانتا تھا

یہ بات فیصلہ کُن مرحلے میں مجھ پہ کھُلی

وہ اپنا ہاتھ بھی تلوار کرنا جانتا تھا

شاہد نواز