تجھ سے ہے بہار جان عالم

عارفانہ کلام نعتیہ کلام

تجھ سے ہے بہارِ جانِ عالمؐ​

اے چارۂ بے کسانِ عالمؐ​

تُوؐ اصلِ بِنائے خلق ٹھہرا​

تُوؐ عز و وقار و شانِ عالمؐ​

سدرہ تِرے خادموں کا مسکن​

اے خواجۂ خواجگانِ عالمِ

​مہکی نہ تھی بُوئے خُلق جب تک​

ویران تھا گلستانِ عالم​

جب تک تِرےؐ ذکر سے تہی تھی​

بے رنگ تھی داستانِ عالم​

تارے تِرےِ ہمرکاب آئے​

اے صاحبِ کاروانِ عالمؐ​

قطرے تِرےؐ فیض سے سمندر​

اے منعم و مہربانِ عالمؐ​

ذرے تِراؐ نام لے کے اُٹھے​

اور بن گئے کہکشانِ عالم​

اک تیریؐ نظر سے ہو گئے ہیں​

بے نام و نشاں، نشانِ عالم​

در پر تِرےؐ آ کے جُھک گئے ہیں​

کیا کیا سرِ سرکشانِ عالم​

بھٹکے گا شعور مدتوں تک​

معراج ہے امتحانِ عالم

سرو سہارنپوری