عارفانہ کلام نعتیہ کلام
محمدﷺ کا حسن و جمال اللہ اللہ
وہﷺ اک پیکرِ بے مثال اللہ اللہ
نہ انؐ سے کوئی خوبرو دو جہاں میں
نہ انؐ سا کوئی خوش خصال اللہ اللہ
خدا کا ہوا اور مہماں نہ کوئی
یہ عظمت یہ رتبہ کمال اللہ اللہ
ہے زیرِ نگیں سطوتِ ہر دو عالم
محمدﷺ کا رعب و جلال اللہ اللہ
بُتانِ عرب پہ ہوا طاری لرزہ
اذاں دے رہے ہیں بلال اللہ اللہ
ثنا خوانئ مصطفیٰﷺ کی بدولت
ظہوری بنے شیریں مقال اللہ اللہ
محمد علی ظہوری
No comments:
Post a Comment