عارفانہ کلام نعتیہ کلام
چہار سمت ہے روشن لکیرِ کوئے سخا
ردائے رنگ و ادا ہے منیرِ کوئے سخا
حصارِ رحمتِ شاہِ جہاںؐ میں رہنا ہے
زہے نصیب ، حیاتِ فقیرِ کوئے سخا
نشانِ عظمت و رفعت، مکانِ خیرِ بشر
کہاں سے ڈھونڈ سکو گے نظیرِ کوئے سخا
جبینِ شوق کی منزل قدومِ شاہِ امم
نگاہِ ہر کس و ناکس اسیرِ کوئے سخا
طلوعِ صبحِ عطا کی بہت مبارک ہو
بنا دیا گیا ان کو امیرِ کوئے سخا
نیازِ حرفِ ثنا سے نوازتی ہے زوہیب
ہوائے نعت ہے مجھ کو سفیرِ کوئے سخا
احمد زوہیب
No comments:
Post a Comment