شاخِ گل کھلتی چلی جائے گلستاں کی طرح
مجھ میں مہکے تِری خوشبو تِرے پیماں کی طرح
عمر بھر طعنہ زناں مجھ پہ رہے یار سبھی
عمر بھر چال چلے، بزمِ حریفاں کی طرح
دل کے خاموش بیاباں میں نہ آواز کرو
جاگ اٹھے نہ قیامت کوئی طوفاں کی طرح
چار و ناچار مِری سمت پلٹ آتی ہے
خواہشِ قرب بھی اس کی غمِ دوراں کی طرح
نکہتیں بڑھتی رہیں تیرے شبستانوں کی
تُو بھی آباد رہے حلقۂ یاراں کی طرح
معترض چند تھیں باتیں کہ طبیعت کا سکوت
کس قدر روٹھ گیا ہے دلِ ناداں کی طرح
ابھی شادابیاں لفظوں کی پس انداز رکھو
آ پڑیں کام کسی دن سر و ساماں کی طرح
حمزہ ہاشمی سوز
No comments:
Post a Comment