تجھے اظہار کی جرأت نہیں ہے

 تجھے اظہار کی جرأت نہیں ہے

مجھے دُکھ ہے مگر حیرت نہیں ہے

لہو دے کر گُزارہ ہو رہا ہے

یہاں اتنی بھی اب غُربت نہیں ہے

مقابل آئینہ⌗ رکھا ہوا ہے

مُکرنے کی کوئی صورت نہیں ہے

نہ بدلے گی مِری سادہ مزاجی

یہ فطرت ہے کوئی عادت نہیں

زمیں ہو کر فلک کو چُھو لیا ہے 

ابھی دل میں کوئی حسرت نہیں ہے

بدلنے کا ارادہ کر لیا ہے

بدلنے کو مگر مہلت نہیں ہے

تجھے سوچا فقط سوچا کریں گے

تجھے ملنے کی اب صُورت نہیں ہے

ادھُورے رہ گئے سب کام انجم

کسی کی یاد سے فُرصت نہیں ہے

‎

غنی الرحمٰن انجم