فصیلِ شہر پہ تنہا کھڑا ہوں
عدو کے لشکروں کو تک رہا ہوں
شہر سویا ہوا ہے دن دیہاڑے
قیامت کی علامت دیکھتا ہوں
کسی بھی گھر کو دروازہ نہیں ہے
میں کیسے شہر میں پیدا ہوا ہوں
ہر اک دہلیز پہ خوں کا نشاں ہے
میں اپنے قاتلوں کو ڈھونڈتا ہوں
سَوا نیزے پہ سورج آ گیا ہے
میں جلتی ریت پہ سویا ہوا ہوں
مجھے آواز دے کر کیا کرو گی
تمہارے شہر سے میں جا چکا ہوں
جہاں پہ اعتزاز احسن رُکا تھا
میں اب تک اس جگہ بیٹھا ہوا ہوں
اعتزاز احسن
No comments:
Post a Comment