سفر میں باد مخالف فقط بہانہ تھا

سفر میں بادِ مخالف فقط بہانہ تھا 

اُسے تو یوں بھی کسی اور سمت جانا تھا 

نظر سے ہو گیا اوجھل وہ تب یہ ہوش آیا 

صدائیں دینی تھیں اُس کو اُسے بلانا تھا 

کِیا تھا قلزمِ غم قید اُس ایک قطرے میں 

وہ ایک اشک جو ہم کو نہیں بہانا تھا 

ہے یہ بھی دَور کے نیندوں سے خواب رُوٹھے ہیں 

کُھلی نگاہ دے دیکھے تھے، اک زمانہ تھا 

کسی کے ہجر میں جینے کی جرأتیں کی تھیں 

ہمارے دل کا رویہ بھی جارحانہ تھا 

رہی وفا کو کبھی جس کی رہبری پیاری 

اُسی کس اپنا ہر اک نقشِ پا مِٹانا تھا

ز ر وفا

زویا راؤ وفا