عارفانہ کلام حمد نعت منقبت
سر کٹ گیا حسین کا رب کی ثناء کے بعد
سانسیں ملی ہیں دین کو شہؑ کی عطا کے بعد
باطل کا حق سے معرکہ زہراؑ کے لال نے
جیتا ہے اے مِرے خدا کتنی جفا کے بعد
مِثلِ حسینؑ کوئی نہ ہو گا جہان میں
ہو گی نہ کربلا کوئی اِس کربلا کے بعد
نعمت غمِ حسینؑ کی ہے زندگی مری
مانگوں میں کیا حسینؑ کی فرشِ عزا کے بعد
دلشاد پر کُھلا ہے یہ اُن کی رضا کے بعد
اسلام کو ملی ہے بقاء کربلا کے بعد
شگفتہ دلشاد
No comments:
Post a Comment