عارفانہ کلام حمد نعت منقبت
کلام کرتا رہا بار بار نیزے پر
کسی کے لہجے میں پروردگار نیزے پر
حُسینؑ تیرے کٹے سر پہ بوسہ دینے کو
رسولؐ کرتے رہے انتظار نیزے پر
ہُوَ الجمیلُ یُحِبُّ الجمال پڑھتے ہوئے
ہُوا حُسینؑ کا اکبرؑ سوار نیزے پر
عدو جو ضربِ تبسّم سے کٹتے جاتے ہیں
علیؑ کا پوتا ہے یا ذوالفقارؑ نیزے پر
ہمیشہ پڑھتے تھے سُبحانَ رَبّیَ الاعلٰی
اذان ہوتے ہی سجدہ گزار نیزے پر
بناتِ ساقئ کوثر اسیر ہیں عمار
جوازِ جنت و کوثر سوار نیزے پر
عمار یاسر مگسی
No comments:
Post a Comment