عارفانہ کلام حمد نعت منقبت
کتنا میٹھا کتنا پیارا
نامِ محمدؐ نامِ علیؑ
آنکھوں کی ٹھنڈَک دل کا اُجالا
نامِ محمدؐ نامِ علیؑ
ہستی اپنی عشقِ محمدؐ
دولت اپنی حُب علیؑ
دونوں عالم کا سرمایہ
نامِ محمدؐ نامِ علیؑ
تڑپاتے ہو کیوں پیاروں کو
اپنے درد کے ماروں کو
عیسٰئ دوراں، میرے مسیحا
نامِ محمدؐ نامِ علیؑ
کسِ کو سُنائیں کسِ کو پُکاریں
کس سے کہیں رُودادِ الم
اپنوں سے یہ پردہ کیسا
نامِ محمدؐ نامِ علیؑ
قبلۂ اول قبلۂ دوم
دونوں برائے آزادی
مسجِدِ اَقصیٰ خانۂ کعبہ
دونوں برائے آزادی
دیکھ رہے ہیں آپ کا رستہ
نامِ محمدؐ نامِ علیؑ
بھیڑ لَگی ہے متوالوں کی
یعنی تولا والوں کی
بھر کے دئیے جا جام توّلا
نامِ محمدؐ نامِ علیؑ
نقدِ ہُنر اشعار و ترنم
نذرِ حضورِ شاہ نجف
خون کا میرے قَطرہ قَطرہ
نامِ محمدؐ نامِ علیؑ
آپ کا شاعر اِبنِ راہی
سید سبطِ جعفر زیدی
اس پہ کرم ہو اور زیادہ
نامِ محمدؐ نامِ علیؑ
سبط جعفر
No comments:
Post a Comment