عارفانہ کلام حمد نعت منقبت
رب نے شرحِ والضحیٰ ان کا رخِ زیبا کیا
گیسوؤں کو شرحِ والیل إذا یغشیٰ کیا
ان کی آنکھوں کو کیا تفسیرِ مازاغ البصر
ان کے سینہ کو الم نشرح کا آئینہ کیا
حضرتِ موسیٰ سے رب نےلن ترانی کہہ دیا
میرے آقاﷺ پر عیاں جلوہ شبِ اسریٰ کیا
لا تقولوا راعنا کہہ کر کبھی لا ترفعوا
خود خدائے مہرباں نے آپؐ کا چرچا کیا
رب نے فرما کر رفعنا مصحفِ لاریب میں
کس قدر اونچا تمہارے ذکر کا رتبہ کیا
آیتِ صلوا علیہِ پر کیا ہم نے عمل
جب رسولِ پاکؐ کا دل میں خیال آیا، کیا
جب کبھی تنہائیِ زندانِ شب سے ڈر لگا
ہو گئی راحت جو ذکرِ النبیؐ اولی کیا
آیتِ قد جاء کم سے ہو رہا ہے یہ عیاں
اے نواز ان کو خدا نے خلق میں یکتا کیا
نواز اعظمی
No comments:
Post a Comment