وہ میرا ماہ اگر بے نقاب ہو جائے

عارفانہ کلام حمد نعت منقبت 

وہﷺ میرا ماہ اگر بے نقاب ہو جائے

تو رشک مہر سے زیر سحاب ہو جائے

جو چشمِ رحمت، رحمت مآب ہو جائے

عذابِ سخت بھی تو پھر ثواب ہو جائے

خدا کے پیاروں میں اس کا شمار ہو جس پر

نگاہِ لطفِ رسالت مآبﷺ ہو جائے

خدا کا اور خدائی کا ہے وہی محبوبﷺ

کہ سب حسینوں میں وہ انتخاب ہو جائے

ہے طول حسرت و ارمان بھی میرا قصہ

اگر لکھوں تو وہ پوری کتاب ہو جائے

وہاں بلائے یا ایسا دل عطا کیجیے

کہ جس کو درد اٹھانے کی تاب ہو جائے

گُنہ کے خوف سے اتنا تو روئیے اکبر

کہ پاک جُرم سے فردِ حساب ہو جائے

 اکبر وارثی میرٹھی