عارفانہ کلام حمد نعت منقبت
بیاں کو نعت کہنے پر غرور، اے سیدِ بطحاؐ
زباں نے ہاتھ جوڑے ہیں حضور اے سیدِ بطحاؐ
کلامِ رب مجسّم آپ کی صورت میں دیکھا ہے
صفاتِ رب بھی ہیں بین السطور اے سیدِ بطحاؐ
شبِ معراج جو باتیں ہوئیں وہ کس زباں میں تھیں
وہ تھا قرآں کہ انجیل و زبور اے سیدِ بطحاﷺ
اجازت ہو تو زیرِ سایۂ گنبد پڑھوں مجلس
مِرے دل کو بھی مل جائے سرور اے سیدِ بطحاؐ
حضورِ احمدِ مختارﷺ تعظیمی کروں سجدہ
حدِ امکان کب ہو گی عبور اے سیدِ بطحاؐ
مئے عرفان رخشندہ پلائی ہے فضائل نے
عجب مبہوت ہے میرا شعور اے سیدِ بطحاؐ
رخشندہ بتول
No comments:
Post a Comment