زعفرانی کلام
اپنے گھر لوٹ کے اب تک مِرے سالے نہ گئے
یعنی مُلاں سے بھی جن بھُوت نکالے نہ گئے
مُنتظر دیر تلک چھت پہ وہ ہمسائی رہی
ہم سے دو بوسے ہوائی بھی اُچھالے نہ گئے
شادیاں ہوتی گئیں، ایک سہیلی نہ رہی
عشق اتنے ہوئے ہم سے کہ سنبھالے نہ گئے
مل گئی ،،سابقہ،، بازار میں بچوں کو لیے
بن بُلائے مجھے ماموں تو وہ ٹالے نہ گئے
عشق جب بھی کیا، جاناں کی سہیلی سے کیا
ہائے بے باک تِرے شوق نرالے نہ گئے
بے باک ڈیروی
ظریف ببر
No comments:
Post a Comment