وقت رُخصت ماں نے کہا تها
بیٹی
سسرال میں جب کوئی دکھ ملے تو
ہمت کهونا نہیں
ٹُوٹ کر رونا نہیں
میں نے حیرت سے پوچها
رونا بهی نہیں ہے
ہمت کهونا بهی نہیں ہے
تو کیا کرنا ہے ماں؟
ماں بهیگی آنکهوں سے مُسکرا کر بولی تهی
جب بهی تمہیں کوئی دُکھ دے
تو آنگن میں اک پودا لگا لینا
کہ جس پہ رنگ برنگے پهُول کهلیں
چار دن بعد جب ماں میرے سسرال آئی تو
بہت روئی
کیونکہ سارا آنگن ہی پهُولوں سے بهرا ہوا تها
گل ارباب
No comments:
Post a Comment