سلام کرو
مرے وطن کا ہواباز اذن یزداں ہے
مرے وطن کا ہواباز حرفِ امکاں ہے
مرے وطن کا ہواباز عہدِ رخشاں ہے
مرے وطن کا ہواباز روحِ دوراں ہے
مرے وطن کے ہواباز کو سلام کرو
مرے وطن کا ہواباز پاسبانِ وطن
مرے وطن کا ہواباز کہکشانِ وطن
مرے وطن کا ہواباز رجزخوان وطن
مرے وطن کا ہواباز داستانِ وطن
مرے وطن کے ہواباز کو سلام کرو
مرے وطن کا ہواباز جرأتوں کا بھنور
مرے وطن کا ہواباز بجلیوں کی نظر
مرے وطن کا ہواباز آبِ لعل و گہر
مرے وطن کا ہواباز خوابِ شمس و قمر
مرے وطن کے ہواباز کو سلام کرو
مرے وطن کا ہواباز نبضِ صبح و مسا
مرے وطن کا ہواباز رحمتوں کی ہوا
مرے وطن کا ہواباز آسماں کی صدا
مرے وطن کا ہواباز غازیوں کی دعا
مرے وطن کے ہواباز کو سلام کرو
جہاں ہدایت ایمان کار فرما ہو
جہاں فراستِ ایماں نظام آرا ہو
جہاں فلک بہ فلک نور خان کو چرچا ہو
وہاں وطن کا ہواباز کیوں نہ یکتا ہو
مرے وطن کے ہواباز کو سلام کرو
عبدالحمید عدم
No comments:
Post a Comment