جمال گنبد خضریٰ مری نگاہ میں ہے

 عارفانہ کلام حمد نعت منقبت

جمالِ گُنبدِ خضریٰ مِری نگاہ میں ہے

لگے ہے عرش معلیٰ مری نگاہ میں ہے

جہان بھر کے طبیبوں سے کیا غرض مجھ کو

مِرا طبیب و مسیحا مری نگاہ میں ہے

ہے رشکِ ہشت بہشتِ بریں نظر میں مرے

بہارِ گُلشن طیبہ مری نگاہ میں ہے

کسی ضیاء کی نہیں اب رہی کوئی حاجت

شعاعِ ماہِ مدینہﷺ مری نگاہ میں ہے

مجھے نہ بھائے چمک چاند اور تاروں کی

نبیؐ کے قدموں کا ذرّہ مری نگاہ میں ہے

مجھے اجل کی تمنا ہے اس لیے عارف

مِرے حضورؐ کا جلوہ مری نگاہ میں ہے

عارف نظامی مصباحی