عارفانہ کلام حمد نعت منقبت
نازشِ کون ومکاں ہے سُنتِ خیرالوریٰﷺ
نکہتِ ہفت آسماں ہے سنت خیرالوریٰﷺ
منزلِ امن و اماں ہے سنتِ خیر الوریٰﷺ
راہِ حق، راہِ جناں ہے سنتِ خیرالوریٰﷺ
سُنتوں سے عشق کا دعویٰ ہی دعویٰ ہے مگر
زندگی میں اب کہاں ہے سنتِ خیرالوریٰﷺ
معصیت کی دُھوپ کے آزار مانا کم نہیں
رُوح پرور سائباں ہے سنتِ خیرالوریٰﷺ
رات کی تاریکیاں مُنہ دیکھتی ہیں اے انیس
چار جانب ضوفشاں ہے سنتِ خیرالوریٰﷺ
عبدالخالق انیس بھٹکلی
No comments:
Post a Comment