چاندنی رات میں تاروں کی کہانی لکھی
جلوۂ جاناں کی ہر ایک نشانی لکھی
ہو کے حاصل نہ ہوئی ایسی سیانی لکھی
تم کو اک حاجتِ ناکام زبانی لکھی
میں نے ہر وقت نیا درد سہیجا دل میں
اس نے افسوس مِری بات پرانی لکھی
سامنے آ گیا دنیا کے محبت کا بھرم
بات جب نکلی تو اپنی ہی جوانی لکھی
نرم و نازک لب و لہجہ وہ تلفظ کی مٹھاس
ہر کہانی میں یہی طرزِ بیانی لکھی
لفظ خاموش ہے اشکوں کا لبادہ اوڑھے
موجِ دریا کی نہیں ہم نے روانی لکھی
کب سے لکھا ہی نہیں کچھ بھی قلم سے میرے
لکھنے بیٹھا تو تِری میری کہانی لکھی
حالِ دل اپنا کوئی دوسرا لکھتا کیوں کر
داستاں اپنی تھی، سو اپنی زبانی لکھی
ارمان جودھپوری
No comments:
Post a Comment