قدرت کا روپ نازش تخلیق کار تو

 عارفانہ کلام حمد نعت منقبت

قُدرت کا رُوپ نازش تخلیق کار تُو

تُو وہ بشر کہ رحمت پروردگار تُو

تیرے بغیر کل کا تصور بھی لا یقیں

یعنی کہ ہر شعور میں ہے عکس بار تُو

وہ ہے اگر چراغ تو، تُو اس کی روشنی

تخلیق کار وہ ہے تو تزئین کار تُو

ہر اس کی بات تیری زباں سے ادا ہوئی

اس کے لیے ہے کتنا بڑا اعتبار تُو

دیکھا تو ہر مقام پہ کردار بے مثال

پایا تو ایک دردِ دلِ بے شمار تُو

چل اس کے پاس جس نے خُدا کو خُدا کہا

سُنتا ہے وہ اے قوس! اُسی کو پُکار تُو

قوس صدیقی