عارفانہ کلام حمد نعت منقبت
وسعتِ خیر ہے اتنی نہ سنبھالی جائے
بانٹتا جائے جدھر انؐ کا سوالی جائے
ان سے الفت کے سبب چن دیا جاؤں جس میں
رب وہ رحمت بھری دیوار بنا لی جائے
رہے پوروں پہ سدا صلی علیٰ کی تسبیح
کہ کفن میں بھی مِرا ہاتھ نہ خالی جائے
وہ مِرے دردِ محبت کے امیں ہو جائیں
یہ کرم ہو تو مِری خواب خیالی جائے
عمر تعبیر کی صورت میں نظر آئے گی
اس پہ آقاﷺ جو نظر پیار کی ڈالی جائے
دل میں کرنے لگا سرکارِ دو عالم کا گھر
میں نے سوچا ہے مقدر سے بنا لی جائے
انہیں ہے فکر مِری مجھ سے زیادہ عمران
کیوں نہ پھر دل سے پریشانی نکالی جائے
عمران شریف
No comments:
Post a Comment