لکھ لکھ کے یار ہاتھ ہمارے پگھل گئے
ہم سے جو سیکھتے تھے وہ آگے نکل گئے
آنکھوں کا رنگ ہو یا مِری شاعری کا رنگ
سب کچھ بدل گیا مِرا، جب تم بدل گئے
سب لوگ لے کے آئے تھے اعمال رب کے پاس
ہم اپنے رب کے پاس بھی لے کر غزل گئے
ہم آج بھی ان ہی کو بھلانے میں لگے ہیں
وہ تین دن اداس رہے پھر سنبھل گئے
شعلہ نما وہ خواب تھے آنکھیں جھلس گئیں
آنکھوں کا دکھ نہیں ہے، مِرے خواب جل گئے
دنیا بھی میرے دل کی طرح لگ رہی ہے آج
دیکھو تمام شہر اداسی میں ڈھل گئے
مرزا منیب بیگ
No comments:
Post a Comment