تعلق توڑ کر اُس کی گلی سے
کبھی میں جُڑ نہ پایا زندگی سے
خدا کا آدمی کو ڈر کہاں اب
وہ گھبراتا ہے کیول آدمی سے
مِری یہ تشنگی شاید بُجھے گی
کسی میری ہی جیسی تشنگی سے
بہت چُبھتا ہے یہ میری انا کو
تمہارا بات کرنا ہر کسی سے
خسارے کو خسارے سے بھروں گا
نکالوں گا اُجالا تیرگی سے
تمہیں اے دوستو! میں جانتا ہوں
سکوں ملتا ہے میری بے کلی سے
ہواؤں میں کہاں یہ دم تھا فیصل
دِیا میرا بُجھا ہے بُزدلی سے
سراج فیصل
No comments:
Post a Comment