حرام کو بھی اک دم حلال کرتا ہے

 حرام کو بھی اِک دم حلال کرتا ہے

کبھی جو دل نئی کوئی مجال کرتا ہے

ہزار تشنہ سی حسرتوں کے بوجھ تلے

یہ جو دھڑکتا ہے، 💓دل کمال کرتا ہے

یہ دل بھی تو رہتا ہے عجب سے مخمصے میں

جواب گھڑتا ہے، خُود ہی سوال کرتا ہے

دھمال کرتا ہے اپنی ہی دُھن میں دل ایسے

کہ ہجر کو بھی میرے وصال کرتا ہے

یہ مجھ میں رقص بھی کرتا ہے مسکراتا ہے

خوشی سے مجھ کو دل یوں نہال کرتا ہے

یہ دل ہی تو ہے آخر کو تھک ہی جائے گا

یہی خیال مجھے کیوں نڈھال کرتا ہے

جو جینی ہے تو اِک سانس میں لے زندگی جی

یُوں رات دن کیوں اس کو وبال کرتا ہے

اظہر ناظر