جو تیرے عہد میں پتھر کا آدمی ہوتا

 جو تیرے عہد میں پتھر کا آدمی ہوتا

کسی بشر کو نہ احساسِ زندگی ہوتا

متاعِ لفظ و بیاں دل کے پاس ہوتی تو

مِرے فسانے کا عنواں کچھ اور ہی ہوتا

ملا ہوں خود کو میں تنہا ہر اک منزل میں

کوئی رفیقِ سفر تھا تو ساتھ بھی ہوتا

کسی مقام پہ میری نظر ٹھہر نہ سکی

تمہارے شہر میں کوئی تو آدمی ہوتا

نظر سے کام لیا عرضِ حال کا دل نے

زبان کھلتی تو اظہارِ برہمی ہوتا

نگاہ ان کی بس اک بار اٹھ کے جھک جاتی

بلا سے کچھ بھی پھر انجامِ بے خودی ہوتا

مِرے نصیب میں شاداں نہیں سکونِ حیات

جو غم ملا تھا تو غمخوار بھی کوئی ہوتا

شاداں بدایونی

عبدالمجید صدیقی