برسوں خواب پڑے رہتے تھے آنکھوں کی الماری میں
میں ہی سُستی کر جاتی تھے چُننے کی دشواری میں
اماں بابا کے سائے میں جو گھر کی "شہزادی" تھی
سپنے "بیچنے" آئی ہے وہ "مجبوری" ناداری میں
سچ کہتے ہیں خوابوں کی تعبیریں الٹی ہوتی ہیں
ماضی حال و مستقبل کے دھاگے الجھے رہتے ہیں
گرہیں کھولتی رہتی ہوں میں تنہا شب بیداری میں
گھر کی "خستہ" دیواروں کو آپ "گرانا" پڑتا ہے
ہوتا ہے "تعمیر" کا "پہلو" چیزوں کی "مسماری" میں
میں بھی لڑتے لڑتے اس کے سینے سے لگ جاتی ہوں
شکوے دل سے بہہ جاتے ہیں سارے گریہ زاری میں
وہ بھی "تنہا" رات گئے تک اب سڑکوں پر "پھرتا" ہے
میرے ہاتھ بھی جل جاتے ہیں، کھانے کی تیاری میں
فوزیہ شیخ
No comments:
Post a Comment