جس طرف تھی ہوا اداسی کی
لینے آئے دوا اداسی کی
ڈوبتے آفتاب کی زردی
دیکھ تو ابتدا اداسی کی
رات ظلمت کی جب اخیر ہوئی
ہو گئی انتہا اداسی کی
میں تو اس پہ خوش ہوا، مرشد
دے گیا ہے دعا اداسی کی
کیا خبر شعر ہو عطا قیصر
چل بنائیں فضا اداسی کی
زبیر قیصر
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment