اک پیار کا نغمہ ہے، موجوں کی روانی ہے

 فلمی گیت

اک پیار کا نغمہ ہے، موجوں کی روانی ہے

زندگی اور کچھ بھی نہیں، تیری میری کہانی ہے

اک پیار کا نغمہ ہے ۔۔۔۔۔۔۔

کچھ پا کر کھونا ہے، کچھ کھو کر پانا ہے

جیون کا مطلب تو، آنا اور جانا ہے

دو پل کے جیون سے، اک عمر چرانی ہے

زندگی اور کچھ بھی نہیں، تیری میری کہانی ہے

اک پیار کا نغمہ ہے ۔۔۔۔۔۔۔

تُو دھار ہے ندیا کی، میں تیرا کنارا ہوں

تُو میرا سہارا ہے، میں تیرا سہارا ہوں

آنکھوں میں سمندر ہے، آشاؤں میں پانی ہے

زندگی اور کچھ بھی نہیں، تیری میری کہانی ہے

اک پیار کا نغمہ ہے ۔۔۔۔۔۔۔

طوفان کو آنا ہے، آ کر چلے جانا ہے

بادل ہے یہ کچھ پل کا، چھا کر ڈھل جانا ہے

پرچھائیاں رہ جاتی، رہ جاتی نشانی ہے

زندگی اور کچھ بھی نہیں، تیری میری کہانی ہے

اک پیار کا نغمہ ہے ۔۔۔۔۔۔۔

سنتوش آنند