اتنی فضا خراب ہے جنگل سے جھیل تک
مصروفِ احتجاج ہیں چڑیا سے چیل تک
پھر اس کے بعد جانے اداسی کا کیا بنا
آئی تھی مجھ کو چھوڑنے بابِ فصیل تک
رستے میں ہی تمام ہوا بارِتشنگی
میں پیاس بانٹتا ہوا آیا سبیل تک
ہنس ہنس کے آنسوؤں پہ تشدد کیا گیا
اتنا کہ پڑ گئے کئی اشکوں پہ نیل تک
ایسا نہیں کہ صرف پرندے چلے گئے
غائب دکھائی دیتی ہے منظر سے جھیل تک
پھر روزو شب کو پڑ گئی اڑنے کی لت کبیر
پیدل تھے میری عمر کے دس بیس میل تک
کبیر اطہر
No comments:
Post a Comment