ہے سینہ چاک ہر گل خنداں مِرے لیے
شاید ہے سوگوار بہاراں مرے لیے
قطرے کو دے کے آب میرے دل کو احتیاج
کیا کیا اٹھائے جاتے ہیں طوفاں مرے لیے
کل وہ سنیں گے زیست کی کیفتیوں کا ذکر
رکھا گیا ہے درد کا عنواں مرے لیے
مبہم سا وعدہ آنے کا پھر قید انتظار
گھر کو بنا دیا گیا زنداں مرے لیے
شاخوں پہ گل فلک پہ ستاروں کا اہتمام
ہر بام سے ہیں جلوے نمایاں مرے لیے
ملتی ہے اک مراد تو بڑھتا ہے ایک شوق
دام بلا سے وسعت داماں مرے لیے
محمود سروش
No comments:
Post a Comment