ہرا بدن کبھی بنجر نہیں کِیا میں نے
اسے چھوا بھی تو پتھر نہیں کیا میں نے
ندی کا عکس سمندر نہیں کیا میں نے
کسی کو تیرے برابر نہیں کیا میں نے
تمہیں سِکھائے نہیں دلربائی کے انداز
تمہارے حسن کو بہتر نہیں کیا میں نے
ہر ایک شخص کو اس کا دھرم مبارک ہو
کسی بھی روح کو کافر نہیں کیا میں نے
لکھا ہے اپنا ہی چاہے وہ نخل ویراں ہو
تمہارا باغ تو منظر نہیں کیا میں نے
ارشد مرزا
No comments:
Post a Comment