کمرے میں جو رکھی ہے تو آرام کرے گی
یہ بیل درختوں کو بھی بدنام کرے گی
سوئی ہے تو سوئی رہے مت اس کو جگاؤ
جاگی تو سبھی شہر میں کُہرام کرے گی
میں خواب تو بیچوں گا مگر مہنگے بہت ہیں
تُو 👁آنکھیں👁 بتا اپنی یہ نیلام کرے گی؟
باغی ہے قبیلے کی، اسے روک لوں جتنا
چھپ چھپ کے نہیں عشق سرِ عام کرے گی
میں پھر سے تھکن اوڑھ کے لوٹ آؤں گا گھر کو
مایوس مجھے حسرتِ ناکام کرے گی
ممکن ہے بہت ساری بلائیں تجھے گھیریں
تُو عشق کے جنگل میں اگر شام کرے گی
نوکر ہیں جو اکثر اسے پہناتے ہیں جوتی
شہزادی ہے وہ گھر کے بھلا کام کرے گی
عدیل عبداللہ
No comments:
Post a Comment