دوستی پیار کے بولوں کے سوا کچھ بھی نہیں
پیار برسے ہوئے اولوں کے سوا کچھ بھی نہیں
ہم پلٹ آئے محبت کی حسیں وادی سے
دوستو دور کے ڈھولوں کے سوا کچھ بھی نہیں
چرخِ ہستی کی مسافت نے تھکا مارا ہے
وہ جو شاہیں تھے ممولوں کے سوا کچھ بھی نہیں
وقت بچے کی طرح چاٹتا رہتا ہے سدا
زندگی برف کے گولوں کے سوا کچھ بھی نہیں
ہم نے دنیائے سخن گھوم کے دیکھی تاباں
شاعری دل کے پھپھولوں کے سوا کچھ بھی نہیں
عبدالقادر تاباں
No comments:
Post a Comment