دائرے کی طرح گھومتا وقت ہوں
کُن سے پہلے تو ٹھہرا ہوا وقت ہوں
چھوڑ جا اس سے پہلے تجھے آ لگوں
دوستا! یاد رکھ میں بُرا وقت ہوں
تم ہوا کے قبیلے سے ہو پر سنو
میں چراغوں کے بیدار کا وقت ہوں
تم فلک زاد ہو، تیرتے چاند ہو
اور میں جھیل میں ڈُوبتا وقت ہوں
میں بھی سیماب صحرا قبیلے سے ہوں
میں بھی مٹھی سے پھسلا ہوا وقت ہوں
اے زمیں! تیرے محور سے آگے کی بات
ماورائے کشش ہوں، خلا، وقت ہوں
امیر سخن
No comments:
Post a Comment